Давтан шинжилгээгээр ЗУРГААН халдварын тохиолдол илэрлээ

ЭМЯ-ны ээлжит мэдээллийн цагаар өнгөрсөн 24 цагийн нөхцөл байдлын мэдээллийг танилцууллаа. Өчигдрийн мэдээллийн үеэр давтан шинжилгээг авч эхэлнэ гэж мэдээлж байсан. Тэгвэл уг шинжилгээгээр зургаан хүнээс коронавирусний халдвар илэрсэн байна. Монгол улсад батлагдсан халдварын тохиолдол 185 болж нэмэгдэв.

ХӨСҮТ-ийн ерөнхий захирал Д.Нямхүү: 2020 тавдугаар сарын 31-нд нийт 371 хүнд шинжилгээ хийснээс 365 хүний шинжилгээнд коронавирус илрээгүй.

Тандалтын зорилгоор цуглуулсан найман сорьцод вирус илрээгүй. Тусгаарлалтад байсан зургаан хүний давтан шинжилгээнээс коронавирус илэрлээ.

Эдгээр хүмүүс нь тавдугаар сарын 15-ны өдөр ОХУ-ын цэргийн онгоцоор ирсэн оюутнууд юм.

18,19 хоногийн дараагийн давтан шинжилгээнээс вирус ийнхүү илэрснийг анхаарах хэрэгтэй.

Алтанбулагийн боомтоор орж ирсэн 33 ачаа тээврийн жолоочийн шинжилгээнд коронавирус илрээгүй.

Ингээд нийт батлагдсан тохиолдлын тоо 185 боллоо.

Үүнээс эдгэрсэн 44 хүн байгаа бол эмчлэгдэж байгаа нийт 141 хүн байна.

Биеийн байдлын хувьд, 118 нь хөнгөн, 23 нь хүндэвтэр гэж үнэлэгдсэн гэж мэдээллээ.

Б.Саран

Өмнөх

Өнөөдөр бол олон улсын тамхинаас татгалзах өдөр

Дараахи

Энэтхэгээс тусгай нислэгээр ирсэн иргэд хандив өргөлөө

Сэтгэгдэл үлдээх

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн